رباعيات صلاح جاهين
-_-_-_-_-_-
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
-_-_-_-_-_-
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
-_-_-_-_-_-
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
-_-_-_-_-_-
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
-_-_-_-_-_-
ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي !!!
-_-_-_-_-_-
عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!!
-_-_-_-_-_-
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
-_-_-_-_-_-
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!!
-_-_-_-_-_-
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
-_-_-_-_-_-
علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!
-_-_-_-_-_-
حاسب من الاحزان و حاســـــــب لها
حاسب علي رقابيك منحبلـــــــــــها
راح تنتهي و لابد راح تنتهــــــــــي
مش انتهت أحزان منقبلهــــــــــا؟
عجبي !!!
-_-_-_-_-_-
يأسك و صبرك بين إيديك و انت حر
تيأس ماتيأس الحياه راح تــــــــمر
أنا دقت مندا ومندا عجبي لقيــــــت
الصبر مر وبرضك اليـأس مـــــــر
عجبي !!!
-_-_-_-_-_-
ولدي نصحتك لما صوتياتنبــــــــــــح
ما تخفش من جني و لا من شبـــــــــح
و ان هب فيك عفريتقتيل إسألـــــــــه
ما دافعش ليه عن نفسه يوم ما اندبح
عجبي !!!
-_-_-_-_-_-
ولديإليك بدل البالون ميت بالــــــون
انفخ وطرقع فيه علي كل لـــــــــــون
عساكتشوف بعينك مصيرالرجــــــال
المنفوخين في السترة و البنطلـــــون
عجبي !!!
-_-_-_-_-_-
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!
-_-_-_-_-_-
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
-_-_-_-_-_-
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!
-_-_-_-_-_-
علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
-_-_-_-_-_-
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
-_-_-_-_-_-
وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!
-_-_-_-_-_-
كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!
-_-_-_-_-_-
رباعيات صلاح جاهين
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
-_-_-_-_-_-
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
-_-_-_-_-_-
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
-_-_-_-_-_-
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
-_-_-_-_-_-
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
-_-_-_-_-_-
كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!
-_-_-_-_-_-
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
-_-_-_-_-_-
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
-_-_-_-_-_-
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
-_-_-_-_-_-
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
-_-_-_-_-_-
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
-_-_-_-_-_-
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
-_-_-_-_-_-
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
-_-_-_-_-_-
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
-_-_-_-_-_-
كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!
-_-_-_-_-_-
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
-_-_-_-_-_-
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
-_-_-_-_-_-
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
-_-_-_-_-_-
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
-_-_-_-_-_-
اية الي خدتة من مررور السنين
الا دمعتك يا قلبي والنيين بتئن وترجع
وتفرح وترجع تحن
مع ان مش كل البشر فرحانين
!عجبي!!
-_-_-_-_-_-
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!
-_-_-_-_-_-
عجبى عليك يا زمن يا أبو البدع
يا مبكى عينى دماً
ازاى اختار لروحى طريق؟
وأنا اللى داخل فى الحياة مرغماً
عجبى !!!!!
-_-_-_-_-_-
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا فى الحياة
وبكرة هاخرج منها شايلنى شيل
عجبى !!!!!
-_-_-_-_-_-
سنوات وفايته عليا فوج بعد فوج
واحدة خدتنى ابن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج؟
عجبى !!!!!
-_-_-_-_-_-
حبيت لكن حب من غير حنان
وصاحبت،لكن صحبة ملهاش أمان
رحت لحكيم وأكتر لقيت بلوتى
إن اللى جوة القلب موش ع اللسان
عجبى !!!!!
-_-_-_-_-_-
أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى !!!!!
-_-_-_-_-_-
مهبوش بخربوش الألم والضياع
قلبى ومنزوع من الضلوع انتزاع
يا مرايتى ياللى بترسمى ضحكتى
يا هل ترى ده وش ولا قناع؟؟
عجبى !!!!!
-_-_-_-_-_-
ليه يا حبيبتى ما بينا دايماً سفر؟
ده البعد ذنب كبير لا يغتفر
ليه يا حبيبتى ما بينا دايماً بحور؟
أعدى بحر ألاقى غيره اتحفر
عجبى !!!!!
-_-_-_-_-_-
ورا كل شباك الف عين مفتوحين
وأنا وأنتى ماشيين يا غرامى الحزين
لو التصقنا نموت بضربة حجر
ولو افترقنا نموت متحسرين
عجبى !!!!!
-_-_-_-_-_-
ينبوع وفى الحواديت أنا سمعت عنه
سمعت إنه عجيب وف وسط لهاليب لكنه
شقيت كما الفرسان طرقى لقيت
حتى الخنازير والكلاب شربوا منه
عجبى !!!!!
-_-_-_-_-_-
أعرف عيون هيا الجمال والحسن
وأعرف عيون تاخد القلوب بالحضن
وعيون مخيفة وقاسيةوعيون كتير
و باحس فيهم كلهم بالحزن
عجبى !!!!!
-_-_-_-_-_-
السم لو كان فى الدوا منين يضر؟
والموت ولو لعدونا منين يسر؟
حط القلم فى الحبر وأكتب كمان
والعبد للشهوات منين هوا حر؟
عجبى !!!!!
-_-_-_-_-_-
الدنيا أوده كبيرة للانتظار
فيها ابن آدم زيه زى الحمار
الهم واحد والملل مشترك
ومفيش حمار بيحاول الانتحار
عجبى !!!!!
-_-_-_-_-_-
نسمة ربيع لكن بتكوى الوشوش
طيور جميلة بس من غير عشوش
قلوب بتخفق إنما وحدها
هيا الحياة كده كلها فى الفاشوش
عجبى !!!!!
-_-_-_-_-_-
يا طير يا عالى فى السما طز فيك
ما تفتكرش ربنا مصطفيك
برضك بتاكل دود وللطين تعود
تمص فيه يا حلو ويمص فيك
عجبى !!!!!
-_-_-_-_-_-
نظرت فى الملكوت كتير وانشغلت
وبكل كلمة ليه؟ وعشان إيه؟ سألت
اسأل سؤال ارد يرجع سؤال
وأخرج وحيرتى أشد مما دخلت
عجبى !!!!!
-_-_-_-_-_-
وأنا فى الظلام من غير شعاع يهتكه
أقف مكانى بخوف ولا أتركه
ولما يجى النور وأشوف الدروب
أحتار زيادة ... أيهم أسلكه؟؟
عجبى !!!!!
-_-_-_-_-_-
أهوى الهوى وهمس الهوى فى العيون
وبسمة المغرم . ودمعة الحنون
وزلزلات الحب نهـد الصبـا
أكون أنا المحبوب . أو لا أكون
!!عجبى
-_-_-_-_-_-
عيد والعيال اتنططوا ع القبور
لعبوا استغماية . ولعبوا بابور
وباللونات . ونايلونات شفتسى
والحزن ح يروح فين جنب السرور
!!عجبى
-_-_-_-_-_-
حتة محارة وجدتها فى يوم لقيةّ
قالت لى شوف كيف الطبيعة شقية ؟
نظرت للكهف اللى فيها ولقيت
إن الطبيعة كمان .. لا أخلاقية
!!عجبى
-_-_-_-_-_-
ياللى انت بيتك قش مفروش بريش
تقوى عليه الريح . يصبح مفيش
عجبى عليك حواليك مخالب كبار
وما لكش غير منقار وقادر تعيش
!!عجبى
-_-_-_-_-_-
كيف شفت قلبى والنبى يا طبيب
هَمَد ومات والا سامع له دبيب
قاللى لقيته مختنق بالدموع
ومالوش دوا غير لمسه من إيد حبيب
!!عجبى
-_-_-_-_-_-
حدوته عن جعران وعن خُنفسه
اتقابلوا حَبّوا بعض ساعة مِسَا
ولا قالهم حد اختشوا عيب حرام
ولا حد قال دى علاقة متدنسة
!!عجبى
-_-_-_-_-_-
زحام وأبواق سيارات مزعجة
إللى يطول له رصيف .. يبقى نجا
لو كنت جنبى يا حبيبى أنا
مش كنت أشوف إن الحياة مُبهجة ؟
!!عجبى
-_-_-_-_-_-
برّه القزاز كان غيم وأَمطار وبرق
ما يهمنيش ـ أنا قلت ـ ولا عندى فرق
غيّــرت رأيـى بعد ساعـة زمـان
وكنت فى الشارع .. وفى الجزمة خرق
!!عجبى
-_-_-_-_-_-
لا تجبر الإنسان ولا تخيّره
يكفيه ما فيه من عقل بيحيَّره
اللى النهارده بيطلبه ويشتهيه
هو اللى بكره ح يشتهى يغيّره
!!عجبى
-_-_-_-_-_-
الدنيا من غير الربيع ميّته
ورقة شجر ضعفانة ومفتته
لأ غلطان تأمّل وشوف
زهر الشتا طالع فى عز الشتا
!!عجبى
-_-_-_-_-_-
حاسب من الأحزان و حاسب لها
حاسب على رقابيك من حبلها
راح تنتهى و لابد راح تنتهى
!! مش أنتهت أحزان من قبلها
!!عجبى
-_-_-_-_-_-
قالوا الشقيق بيمص دم الشقيق
والناس ما هيَّاش ناس بحق وحقيق
قلبى رميته وجبت غيره حجر
داب الحجر .. ورجعت قلبى رقيق
!!عجبى
-_-_-_-_-_-
غمض عينيك وارقص بخفة ودلع
الدنيا هى الشابّة وانت الجدع
تشوف رشاقة خطوتك تعبدك
لكن انت لو بصيت لرجليك .. تقع
!!عجبى
-_-_-_-_-_-
ورد ف ورق سلوفان يا حلوة اهديلك ؟
والاّ انقله بالطين فى شتلة واجيلك ؟
الأولانى لــو وحـــا بحنـانـى
عجبى على التانى بإيه يوحيلك ؟
!!عجبى
-_-_-_-_-_-
يا عندليب ما تخافش من غنوتك
قول شكوتك واحكى على بلوتك
الغنوة مش حتموتك إنما
كتم الغنا هو اللى ح يموتك
عجبى !!
-_-_-_-_-_-
لو فيه سلام فى الأرض وطمان وأمن
لو كان مفيش ولا فقر ولا خوف وجبن
لو يملك الإنسان مصير كل شئ
أنا كنت أجيب للدنيا ميت ألف ابن
عجبى !!
-_-_-_-_-_-
دخل الشتا و قفل الببان عالبيوت
و جعل شعاع الشمس خيط عنكبوت
و حاجات كتير بتموت فى ليل الشتا
لكن حاجات اكتر بترفض تموت
عجبى !!
-_-_-_-_-_-
أحسن ما فيها العشق و المعشقة
و شويتين الضحك و التريقة
شفت الحياة .. لفيت.. لقيت الألذ
تغييرها !! و ده يعني التعب و الشقا
عجبي!!
-_-_-_-_-_-
جالك أوان .. ووقفت موقف وجود!!
يا تجود بده يا قلبي.. يا بده تجود
ما حد يقدر يبقي علي كل شيء
مع ان -عجبي- كل شيئ موجود
عجبى
-_-_-_-_-_-
سمعت نقطة مية جوة المحيط
بتقول لنقطة.. متنزليش في الغويط
أخاف عليكي من الغرق... قلت انا
ده اللي يخاف من الوعد.. يبقي عبيط!
عجبى
-_-_-_-_-_-
فارس بعيد جوه الدروع الحديد
رفرف عليه عصفور و قاله نشيد
منين منين...و لفين لفين يا جدع
قال من بعيد و لسه رايح بعيد
عجبى !!
-_-_-_-_-_-
صوتك يابنت الايه كأنه بدن
يرقص يزيح الهم يمحى الشجن
يا حلوتى و بدنك كأنه كلام
كلام فلاسفة سكروا نسيوا الزمن
عجبى!!
-_-_-_-_-_-
انشد يا قلبى غنوتك للجمال
و ارقص فى صدرى من اليمين للشمال
ماهوش بعيد تفضل لبكره سعيد
ده كل يوم فيه الف الف احتمال
عجبى!!
-_-_-_-_-_-
ايديا فى جيوبى و قلبى طرب
سارح فى غربة بس مش مغترب
وحدى لكين ونسان و ماشى كده
وبابتعد....ماعرفش....او باقترب
عجبى!!
-_-_-_-_-_-
يا ميت ندامة ع القلوب الخلا
لا محبة فيها و لا كراهة و لا
حتى يا قلبى الحزن ماعدش فيك
معلهش..لك يوم برضه راح تتملا
عجبى !!
-_-_-_-_-_-
حقرا و فوق كوكب حقير محتقر
فى الكون تكون دنياكو ايه يا بقر
رملاية من صحرا؟ لكين ايش تقول
و الكون بحاله جوه عقل البشر
عجبى!!
-_-_-_-_-_-
علقت فى المسمار قناع مهزلة
و معاه قناع مأساة بحزنه ابتلى
بصيت لقيتهم يشبهوا بعضهم
و اهو ده العجب يا ولاد و الا فلا
عجبى!!
-_-_-_-_-_-
اوقات افوق و يحل عنى غبايا
و اشعر كأنى فهمت كل الخبايا
و افتح شفايفى عشان اقول الدرر
ماقولش غير حبة غزل فى الصبايا
عجبى!!
-_-_-_-_-_-
This entry was posted
on 5:03 e paradites
and is filed under
fun
.
You can leave a response
and follow any responses to this entry through the
Abonohu te:
Posto komente (Atom)
.
